Топ-100
Back

ⓘ ಘನಾಕೃತಿ ಕಲೆ ಅನ್ನುವುದು ೨೦ನೆಯ ಶತಮಾನದ ಅವಂತ್-ಗ್ರೇಡ್‌ನ ಕಲಾ ಪ್ರಯತ್ನವಾಗಿದೆ, ಇದರ ಮೂಲ ಕರ್ತರು ಪಾಬ್ಲೊ ಪಿಕಾಸೊ ಮತ್ತು ಜಾರ್ಜೆಸ್ ಬ್ರಾಕ್ವೆ, ಇದು ಯುರೋಪಿನ ಚಿತ್ರಕಲೆ ಮತ್ತು ಶಿಲ್ಪಕಲೆಯಲ ..



ಘನಾಕೃತಿ ಕಲೆ
                                     

ⓘ ಘನಾಕೃತಿ ಕಲೆ

ಘನಾಕೃತಿ ಕಲೆ ಅನ್ನುವುದು ೨೦ನೆಯ ಶತಮಾನದ ಅವಂತ್-ಗ್ರೇಡ್‌ನ ಕಲಾ ಪ್ರಯತ್ನವಾಗಿದೆ, ಇದರ ಮೂಲ ಕರ್ತರು ಪಾಬ್ಲೊ ಪಿಕಾಸೊ ಮತ್ತು ಜಾರ್ಜೆಸ್ ಬ್ರಾಕ್ವೆ, ಇದು ಯುರೋಪಿನ ಚಿತ್ರಕಲೆ ಮತ್ತು ಶಿಲ್ಪಕಲೆಯಲ್ಲಿ ಮಹತ್ತರವಾದ ಬದಲಾವಣೆಯನ್ನು ತಂದಿದೆ, ಮತ್ತು ಸಂಗೀತ ಮತ್ತು ಸಾಹಿತ್ಯದಲ್ಲಿ ಇದಕ್ಕೆ ಸಂಬಂಧಪಟ್ಟ ಹೊಸಾ ಪ್ರಯತ್ನಗಳಿಗೆ ಪ್ರೇರಣೆಯಾಯಿತು. ಘನಾಕೃತಿ ಕಲೆಯ ಮೊದಲ ವಿಭಾಗವನ್ನು, ಅನಲೈಟಿಕ್ ಘನಾಕೃತಿ ಕಲೆ ಎನ್ನಲಾಗುತ್ತದೆ, ಇದನ್ನು ಆಧಾರಭೂತವಾಗಿ ಮತ್ತು ಪರಿಣಾಮಕಾರಿಯಾಗಿ ಚಿಕ್ಕದೆಂದು ಹೇಳಲಾಗುತ್ತದೆ ಆದರೆ ಇದು ಫ್ರಾನ್ಸ್‌ನಲ್ಲಿನ ೧೯೦೭ ಮತ್ತು ೧೯೧೧ರ ಮಧ್ಯದ ಒಂದು ಪ್ರಧಾನ ಕಲಾ ಪ್ರಯತ್ನವಾಗಿದೆ. ಇದರ ಎರಡನೆಯ ಹಂತ, ಸಿಂಥಟಿಕ್ ಘನಾಕೃತಿ ಕಲೆಯಲ್ಲಿ, ಈ ಪ್ರಯತ್ನ ವಿಸ್ತಾರಗೊಂಡಿತು ಮತ್ತು ಸರ್ರಿಯಲಿಸ್ಟ್ ಪ್ರಯತ್ನ ಜನಪ್ರಿಯಗೊಂದ ಸಮಯವಾದ, ೧೯೧೯ರ ವರೆಗೂ ಜೀವನಾಧಾರವಾಗಿ ಉಳಿಯಿತು.

ಆಂಗ್ಲ ಕಲಾ ಚರಿತ್ರಕಾರ ಡಾಗ್ಲಾಸ್ ಕೂಪರ್, ಅವರ ಸೆಮಿನಲ್ ಪುಸ್ತಕ ದಿ ಕ್ಯೂಬಿಸ್ಟ್ ಎಪೋಕ್‌ ನಲ್ಲಿ, ಘನಾಕೃತಿ ಕಲೆಯ ಮೂರು ಹಂತಗಳನ್ನು ವಿವರಿಸಿದರು. ಪೂಪರ್‌ರ ಪ್ರಕಾರ, ಪಿಕಾಸೊ ಮತ್ತು ಬ್ರಾಕ್ವೆ ಸ್ಟೂಡಿಯೊಗಳಲ್ಲಿ ಈ ಕಲಾ ಪ್ರಯತ್ನವನ್ನು ಮೊದಮೊದಲು ಅಭಿವೃದ್ಧಿಪಡಿಸಿದ ಸಮಯದಲ್ಲಿ "ಮೊದಲಿನ ಘನಾಕೃತಿ ಕಲೆ" ೧೯೦೬ರಿಂದ ೧೯೦೮ರ ವರೆಗೂ ಇತ್ತು; ಎರಡನೆಯ ಹಂತವನ್ನು "ಎತ್ತರದ ಕ್ಯೂಬಿಸಂ" ಎಂದು ಕರೆಯಲಾಯಿತು, ೧೯೦೯ರಿಂದ ೧೯೧೪ರ ವರೆಗೂ ಈ ಸಮಯದಲ್ಲೇ ಜಾನ್ ಗ್ರಿಸ್ ಪ್ರತಿಷ್ಠಿತ ವ್ಯಾಖ್ಯಾನಕಾರರಾಗಿ ಗೋಚರವಾದರು; ಮತ್ತು ಕೊನೆಯದಾಗಿ ಕೂಪರ್ "ನಂತರದ ಘನಾಕೃತಿ ಕಲೆ"ಯನ್ನು ೧೯೧೪ರಿಂದ ೧೯೨೧ರ ವರೆಗೂ ಘನಾಕೃತಿ ಕಲೆಯ ಮೂರನೆಯ ಹಂತ ಎಂದೂ, ಆಧಾರಭೂತ ಅವಂತ್-ಗ್ರೇಡ್ ಪ್ರಗತಿಪರ ಗುಂಪು ಪ್ರಯತ್ನವೆಂದೂ ಪ್ರಸ್ತಾಪಿಸಿದರು.

ಘನಾಕೃತಿ ಕಲೆಯ ಕಲಾಕೆಲಸಗಳಲ್ಲಿ, ಮುರಿದುಬಿದ್ದ ಆಬ್ಜೆಕ್ಟ್ ವಸ್ತುಗಳನ್ನು, ವಿಶ್ಲೇಷಿಸಲಾಗುವುದು ಮತ್ತು ಸಂಕ್ಷಿಪ್ತ ರೂಪದಲ್ಲಿ ಮರು-ಜೋಡಿಸಲಾಗುವುದು-ಇಲ್ಲಿ ವಸ್ತುಗಳನ್ನು ಒಂದೇ ದೃಷ್ಟಿಕೋನದಿಂದ ಚಿತ್ರಿಸುವುದರ ಬದಲಾಗಿ, ವಿಷಯವನ್ನು ಬಹು ಸಂದರ್ಭಗಳಲ್ಲಿ ಪ್ರತಿಬಿಂಬಿಸಲು ಕಲಾವಿದ ವಸ್ತುಗಳನ್ನು ಬಹು ದೃಷ್ಟಿಕೋನಗಳಿಂದ ಚಿತ್ರಿಸುವನು. ಹೆಚ್ಚಾಗಿ ಮೇಲ್ಮೈಗಳು ಹೊರನೋಟದ ಯಾದೃಚ್ಚಿಕವಾದ ಕೋನಗಳಲ್ಲಿ ಅಡ್ಡಹಾಯ್ದು, ಆಳದ ಸುಸಂಬದ್ಧ ಗ್ರಹಿಸುವಿಕೆಯನ್ನು ಅಳಿಸಿಹಾಕುತ್ತವೆ. ಹಿನ್ನಲೆ ಮತ್ತು ವಸ್ತುಗಳ ಸಮತಲಗಳು ಪರಸ್ಪರ ಭೇದಿಸಿಕೊಂಡು ಹೋಗಿ, ಪೊಳ್ಳಾದ ಅನಿಶ್ಚಿತ ಸ್ಥಳದ ರಚನೆಯನ್ನು ಮಾಡುತ್ತವೆ, ಇದು ಘನಾಕೃತಿ ಕಲೆಯ ವಿಶಿಷ್ಟ ಲಕ್ಷಣಗಳಲ್ಲಿ ಒಂದಾಗಿದೆ.

                                     

1. ಭಾವನೆ ಮತ್ತು ಮೂಲಗಳು

೧೯ನೆಯ ಶತಮಾನದ ಕೊನೆಯಲ್ಲಿ ಮತ್ತು ೨೦ನೆಯ ಶತಮಾನದ ಆರಂಭದಲ್ಲಿ, ಯುರೋಪಿನ ಸಾಂಸ್ಕೃತಿಕ ಗಣ್ಯರು ಆಫ್ರಿಕಾದ, ಮೈಕ್ರೊನೇಸಿಯ ಮತ್ತು ಅಮೆರಿಕಾ ಮೂಲದ ಕಲೆಯ ಶೋಧನೆಯನ್ನು ಮೊದಲಭಾರಿಗೆ ಮಾಡುತ್ತಿದ್ದರು. ಪಾಲ್ ಗಯ್‌ಗ್ವಿನ್, ಹೆನ್ರಿ ಮತಿಸ್ಸೆ, ಮತ್ತು ಪಾಬ್ಲೊ ಪಿಕಾಸೊರಂತಹ ಕಲಾವಿದರು, ವಿದೇಶಿ ಸಂಸ್ಕೃತಿಗಳ ಶೈಲಿಯ ಸರಳತೆ ಮತ್ತು ದೃಢವಾದ ಶಕ್ತಿಯಿಂದ ಕುತೂಹಲಕ್ಕೊಳಗಾದರು ಮತ್ತು ಪ್ರೇರಿತರಾದರು. ಸುಮಾರು ೧೯೦೬ರಲ್ಲಿ, ಪಿಕಾಸೊ ಜೆರ್‌ಟ್ರೂಡ್ ಸ್ಟೈನ್ ಮುಖಾಂತರ ಮತಿಸ್ಸೆರನ್ನು ಬೆಟ್ಟಿಯಾದರು, ಅದು ಇಬ್ಬರು ಕಲಾವಿದರು ಪ್ರಾಚಿನ ಶೈಲಿ, ಇಬೆರಿಯಾದ ಶಿಲ್ಪಕಲೆ, ಆಫ್ರಿಕಾದ ಕಲೆ ಮತ್ತು ಆಫ್ರಿಕಾದ ಆದಿವಾಸಿ ಮುಖವಾಡಗಳಲ್ಲಿ ಆಸಕ್ತಿಗಳಿಸಿದ ಸಮಯವಾಗಿತ್ತು. ಅವರು ಸ್ನೇಹಭಾವದ ಪ್ರತಿಸ್ಪರ್ಧಿಗಳಾದರು ಮತ್ತು ಅವರ ವೃತ್ತಿಜೀವನ ಉದ್ದಕ್ಕೂ ಪರಸ್ಪರ ಪೈಪೋಟಿ ಮಾಡುತ್ತಿದ್ದರು, ಬಹುಶಃ ಇದರಲ್ಲಿ ಮುಂದುವರೆಯುತ್ತಾ ಪಿಕಾಸೊ ೧೯೦೭ರ ಹೊತ್ತಿಗೆ ಅವರ ಕೆಲಸದಲ್ಲಿ ಒಂದು ಹೊಸಾ ಅವಧಿಯನ್ನು ಪ್ರವೇಶಿಸಿದರು, ಗ್ರೀಕ್‌ರ ಶಿಫಾರಸಿನಿಂದ ಇದನ್ನು ಇಬೆರಿಯಾದ ಮತ್ತು ಆಫ್ರಿಕಾದ ಕಲೆ ಎಂದು ಗುರುತಿಸಿದರು. ೧೯೦೭ರ ಪಿಕಾಸೊರ ಚಿತ್ರಕಲೆಗಳು, ಘನಾಕೃತಿ ಕಲೆ ಪೂರ್ವದ ಲೆಸ್ ಡೆಮೊಇಸೆಲ್ಲೆಸ್ ಡಿಅವಿಗ್ನೋನ್‌ ನಲ್ಲಿ ಗಣನೀಯವಾಗಿ ಕಾಣಬಹುದಾದ, ಪ್ರೋಟೊಘನಾಕೃತಿ ಕಲೆಯ ವೈಶಿಷ್ಟ್ಯತೆಯನ್ನು ಹೊಂದಿದ್ದವು.

ಆಂಗ್ಲ ಕಲಾ ಚರಿತ್ರೆಗಾರ, ಸಂಗ್ರಹಕಾರ, ಮತ್ತು ದಿ ಕ್ಯೂಬಿಸ್ಟ್ ಎಪೋಚ್‌ ನ ಲೇಖಕ, ಡಾಗ್ಲಾಸ್ ಕೂಪರ್, ಪಾಲ್ ಗಾಯ್‌ಗ್ವಿನ್ ಮತ್ತು ಪಾಲ್ ಸೆಝನ್ನೆರನ್ನು "ಇವರಿಬ್ಬರು ಘನಾಕೃತಿ ಕಲೆಯ ರಚನೆಗೆ ವಿಶೇಷವಾಗಿ ವರ್ಚಸ್ಸನ್ನು ಬೀರಿದವರು ಮತ್ತು ಮುಖ್ಯವಾಗಿ ೧೯೦೬ ಮತ್ತು ೧೯೦೭ರ ಸಮಯದ ಪಿಕಾಸೊ ಚಿತ್ರಕಲೆಗಳಿಗೆ ಪ್ರಧಾನವಾದವರು" ಎಂದು ಟೀಕಿಸಿದರು. ಅದಾಗ್ಯೂ ಲೆಸ್ ಡೆಮೊಇಸೆಲ್ಲೆಸ್ ಡಿಅವಿಗ್ನೋನ್‌‌ ನ್ನು ಮೊದಲ ಘನಾಕೃತಿ ಕಲೆ ವರ್ಣಚಿತ್ರ ಎಂದು ತಪ್ಪಾಗಿ ಸೂಚಿಸಲಾಗಿದೆ ಎಂದು ಹೆಳುವುದನ್ನು ಕೂಪರ್ ಮುಂದುವರೆಸಿದರು. ಅವರು ವಿವರಿಸಿದ್ದು,

ಡೆಮೊಇಸೆಲ್ಲೆಸ್‌ ನ್ನು ಸಾಮಾನ್ಯವಾಗಿ ಮೊದಲ ಘನಾಕೃತಿ ಕಲೆ ಚಿತ್ರ ಎಂದು ಸೂಚಿಸಲಾಗುತ್ತದೆ. ಇದು ಒಂದು ಉತ್ಪ್ರೇಕ್ಷೆ ಅಸ್ಟೆ, ಘನಾಕೃತಿ ಕಲೆ ಕಡೆಗೆ ಇದು ಒಂದು ಪ್ರಮುಖ ಹೆಜ್ಜೆ ಆದರೂ ಇದು ಘನಾಕೃತಿ ಕಲೆಯದ್ದಲ್ಲ. ಇದರಲ್ಲಿನ ತಡೆಒಡ್ಡುವ, ಆವಿರ್ಭಾವದ ಧಾತು, ಘನಾಕೃತಿ ಕಲೆಯ ಚೈತನ್ಯಕ್ಕೆ ವಿರುದ್ಧವಾದುದು, ಪ್ರಂಪಂಚದಲ್ಲಿ ಇದನ್ನು ಪ್ರತ್ಯೇಕವಾದ, ಸಹಜವಾದ ಚೈತನ್ಯವಾಗಿ ಕಾಣಲಾಯಿತು. ಅದಾಗ್ಯೂ, ಡೆಮೊಇಸೆಲ್ಲೆಸ್‌ ಒಂದು ತಾರ್ಕಿಕ ಚಿತ್ರವಾಗಿದ್ದು, ಘನಾಕೃತಿ ಕಲೆಯ ಆರಂಭ ಎಂದು ಪರಿಗಣಿಸಲು ಕಾರಣ ಇದು ಹೊಸಾ ಚಿತ್ರಾತ್ಮಕ ಭಾಷಾ ವೈಶಿಷ್ಟ್ಯತೆಯ ಉದ್ಭವವನ್ನು ಗುರುತಿಸುತ್ತದೆ, ಹಾಗು ಇದರಲ್ಲಿ ಪಿಕಾಸೊ ನೆಲೆಗೊಂಡ ಸಂಪ್ರದಾಯಗಳನ್ನು ಹಿಂಸಾತ್ಮಕವಾಗಿ ಉರುಳಿಸಿದರು ಮತ್ತು ಈ ಎಲ್ಲಾ ಕಾರಣಗಳಿಂದ ಬೆಳವಣಿಗೆಯನ್ನು ಇದರ ಹೊರಗೆ ಕಾಣಲಾಯಿತು.

ಘನಾಕೃತಿ ಕಲೆಯ ಮೂಲಗಳನ್ನು ಸೆಝನ್ನೆ’ರ ನಂತರದ ಕೆಲಸದ ಎರಡು ವಿಭಿನ್ನ ದಿಶೆಗಳಲ್ಲಿ ಕಾಣಬಹುದೆಂದು ಕೆಲವರು ನಂಬಿದ್ದಾರೆ: ಮೊದಲನೆಯದಾಗಿ ಬಣ್ಣಹಚ್ಚಿದ ಮೇಲ್ಮೈಯನ್ನು ಬಣ್ಣದ ಚಿಕ್ಕ ಚಿಕ್ಕ ಬಹುಮುಖ ಪ್ರದೇಶಗಳನ್ನಾಗಿ ತುಂಡುಮಾಡುವುದು, ನಂತರ ಬೈನೂಕುಲರ್ ನೋಟದಲ್ಲಿ ಗೋಚರಿಸುವಂತೆ ಬಹು ನೋಟದ ಕೋನಗಳು ಬರುವಂತೆ ಮಾಡುವುದು, ಮತ್ತು ಎರಡನೆಯದಾಗಿ ಸಹಜ ಆಕಾರಗಳನ್ನು ಸಿಲಿಂಡರುಗಳು, ಗೋಳಾಕೃತಿಗಳು, ಮತ್ತು ಕೋನುಗಳಾಗಿ, ಸರಳೀಕರಿಸುವಲ್ಲಿನ ಅವರ ಆಸಕ್ತಿ.

ಏನೇ ಆದರೂ ಘಾನಾಕೃತಿ ಕಲಾವಿದರು ಈ ಪರಿಕಲನೆಯನ್ನು ಸೆಝನ್ನೆಗಿಂತಲೂ ಹೆಚ್ಚಾಗಿ ಮುಂದಕ್ಕೆ ವಿಸ್ತರಿಸಿದರು; ಅವರು ಚಿತ್ರಿಸಿದ ವಸ್ತುಗಳ ಎಲ್ಲಾ ಮೇಲ್ಮೈಗಳನ್ನು ಏಕ ಚಿತ್ರ ಸಮತಲದಲ್ಲಿ ಪ್ರತಿಬಿಂಬಿಸಿದರು, ಇದು ಆ ವಸ್ತುಗಳ ಎಲ್ಲಾ ಮುಖಗಳನ್ನು ಏಕಕಾಲದಲ್ಲಿ ಕಾಣುವ ಮಾದರಿಯಲ್ಲಿತ್ತು. ಹೊಸಾ ಮಾದರಿಯ ಈ ಚಿತ್ರಣವು ಚಿತ್ರಕಲೆ ಮತ್ತು ಕಲೆಯಲ್ಲಿ ವಸ್ತುಗಳು ಗೋಚರಿಸುವ ಪಥವನ್ನೇ ಸಂಪೂರ್ಣ ಬದಲಿಸಿತು.

ಘನಾಕೃತಿ ಕಲೆಯ ಆವಿಷ್ಕಾರವು ಪಿಕಾಸೊ ಮತ್ತು ಬ್ರಾಕ್ವೆ, ನಂತರ ಮೌಂಟ್‌ಮಾಟ್ರೆ, ಫ್ಯಾರೀನ್‌ನ ನಿವಾಸಿಗಳ ನಡುವಿನ ಸಂಯುಕ್ತ ದೃಢಪ್ರಯತ್ನವಾಗಿದೆ. ಈ ಕಲಾವಿದರು ಇದರ ಮುಖ್ಯ ಪರಿವರ್ತಕರಾಗಿದ್ದರು. ನಂತರದ ಕ್ರಿಯಾತ್ಮಕ ಪಾಲುದಾರ ಸ್ಫಾನಿಯಾರ್ಡ್ ಜಾನ್ ಗ್ರಿಸ್. ೧೯೦೭ರ ಸಂದರ್ಶನದ ನಂತರ ಬ್ರಾಕ್ವೆ ಮತ್ತು ಪಿಕಾಸೊ ಘನಾಕೃತಿ ಕಲೆಯ ಅಭಿವೃದ್ಧಿಗೆ ವಿಶೇಷವಾಗಿ ಕೆಲಸಮಾಡುವುದನ್ನು ಆರಂಭಿಸಿದರು. ಆರಂಭದಲ್ಲಿ ಪಿಕಾಸೊ ಒತ್ತಾಯಿಸುವ ಮತ್ತು ಪ್ರಭಾವ ಬೀರುವ ವ್ಯಕ್ತಿಯಾಗಿದ್ದರು, ಇದರ ಪ್ರೇರೇಪದಿಂದಲೆ ಬ್ರಾಕ್ವೆ ೧೯೦೮ರ ವೇಳೆಗೆ ಫೇವಿಸಂನಿಂದ ದೂರ ಸರಿದರು. ಈ ಇಬ್ಬರು ಕಲಾವಿದರು ೧೯೦೮ರ ಕೊನೆಯ-೧೯೦೯ರ ಆರಂಭದಲ್ಲಿ ಪ್ರಾರಂಭಿಸಿ ೧೯೧೪ರಲ್ಲಿ Iನೆಯ ಪ್ರಪಂಚ ಯುದ್ಧ ಆರಂಭವಾಗುವ ವರೆಗೂ ಜೊತೆಯಾಗಿ ಕೆಲಸಮಾಡುತ್ತಿದ್ದರು. ಈ ಪ್ರಯತ್ನವು ಫ್ಯಾರೀಸ್ ಮತ್ತು ಯುರೋಪಿನಾದ್ಯಂತ ಬಹಳ ವೇಗವಾಗಿ ಹರಡಿತು.

ಫ್ರೆಂಚ್ ಕಲಾ ವಿಮರ್ಶಕ ಲೋಯಿಸ್ ವಾಕ್ಸೆಲ್ಲೆಸ್, ೧೯೦೮ರಲ್ಲಿ ಬ್ರಾಕ್ವೆರಿಂದ ಮಾಡಲ್ಪಟ್ಟ ಚಿತ್ರವನ್ನು ನೋಡಿದ ನಂತರ "ಕ್ಯೂಬಿಸಂ" ಅಥವಾ "ಬಿಝಾರೆ ಕ್ಯೂಬಿಕ್ವೆಸ್" ಅನ್ನುವ ಪದವನ್ನು ಮೊದಲಬಾರಿಗೆ ಉಪಯೋಗಿಸಿದರು. ಅವರು ಇದನ್ನು "ಚಿಕ್ಕ ಚಿಕ್ಕ ಘನಾಕೃತಿಗಳಿಂದ ತುಂಬಿದ ಚಿತ್ರ" ಎಂದು ವರ್ಣಿಸಿದರು, ಇಬ್ಬರು ರಚನೆಕಾರರು ಆರಂಭದಲ್ಲಿ ಇದನ್ನು ಅನುಸರಿಸದೇ ಇದ್ದರೂ, ಈ ಪದವು ಬಹುಬೇಗ ವ್ಯಾಪಕವಾಗಿ ಉಪಯೋಗಿಸಲ್ಪಟ್ಟಿತು. ಕಲಾ ಚರಿತ್ರೆಗಾರ ಎರ್ನ್‌ಸ್ಟ್ ಗಾಂಬ್ರಿಚ್ ಘನಾಕೃತಿ ಕಲೆಯ್ನು "ಸಂದಿಗ್ಧತೆಯನ್ನು ಬಲವಂತವಾಗಿ ಕೊನೆಗಾಣಿಸುವ ಅತ್ಯಂತ ಮಹತ್ವದ ಪ್ರಯತ್ನ ಮತ್ತು ಚಿತ್ರವನ್ನು ಓದಲು ಒತ್ತಾಯಿಸುವ ಮಾನವನಿಂದ ನಿರ್ಮಿಸಲ್ಪಟ್ಟ, ವರ್ಣರಂಜಿತ ಕ್ಯಾನ್ವಸ್ ಎಂದು ವರ್ಣಿಸಿದರು.

ಮೋಂಟ್‌ಫಾರ್ನಸೆಯಲ್ಲಿ ಅನೇಕ ಕಲಾವಿದರು ಘನಾಕೃತಿ ಕಲೆಯಲ್ಲಿ ತೊಡಗಿಸಿಕೊಂಡಿದ್ದರು ಮತ್ತು ಕಲಾ ವರ್ತಕ ಡಾನಿಯಲ್-ಹೆನ್ರಿ ಕಾಹ್ನ್‌ವೈಲರ್‌ರಿಂದ ಪ್ರಚಾರಕ್ಕೊಳಪಟ್ಟು, ಬಹು ಬೇಗ ಜನಪ್ರಿಯವಾಯಿಗಿ, ೧೯೧೧ರ ವೇಳೆಗೆ ವಿಮರ್ಶಕರು ಕಲಾವಿದರ "ಕ್ಯೂಬಿಸ್ಟ್ ಶಾಲೆಯನ್ನು" ಉಲ್ಲೇಖಿಸುವಂತಾಗಿತ್ತು. ಅದಾಗ್ಯೂ, ತಮ್ಮನ್ನು ತಾವು ಕ್ಯೂಬಿಸ್ಟರು ಎಂದು ಭಾವಿಸುತ್ತಿದ್ದ ಬಹುತೇಕ ಕಲಾವಿದರು ಬ್ರಾಕ್ವೆ ಮತ್ತು ಪಿಕಾಸೊರ ಗಿಂತಲೂ ಸ್ವಲ್ಪ ವಿಭಿನ್ನ ದಿಶೆಯಲ್ಲಿ ಮುಂದೆ ಸಾಗಿದರು. ಪುಟ್ಯೂಕ್ಸ್ ಗುಂಪು ಅಥವಾ ಸೆಕ್ಷನ್ ಡಿಓರ್ ಅನ್ನುವುದು ಘನಾಕೃತಿ ಕಲಾವಿದರ ಪ್ರಯತ್ನದ ಒಂದು ಮಹತ್ತರವಾದ ಪಡೆತವಾಗಿದೆ; ಇದು ಗೈಲ್ಯುಮೆ ಅಪೊಲಿನೈರೆ, ರೋಬೆರ್ಟ್ ಡೆಲ್ಯುನೈ, ಮಾರ್ಸೆಲ್ ಡಚಾಂಪ್, ಅವರ ಸಹೋದರರು ರೈಮಂಡ್ ಡಚಾಂಪ್-ವಿಲ್ಲೊನ್ ಮತ್ತು ಜಾಕ್ವೆಸ್ ವಿಲ್ಲೊನ್, ಮತ್ತು ಫೆರ್ನಾಂಡ್ ಲೆಜೆರ್, ಮತ್ತು ಫ್ರಾನ್ಸಿಸ್ ಪಿಕಾಬಿಯರನ್ನು ಒಳಗೊಂಡಿತ್ತು. ಘನಾಕೃತಿ ಕಲೆಯ ಸಂಗಡಿಗರಾದ ಇತರ ಪ್ರಮುಖ ಕಲಾವಿದರು: ಆಲ್ಬರ್ಟ್ ಗ್ಲೈಝೆಸ್, ಜೀನ್ ಮೆಟ್‌ಝಿಂಗರ್, ಮಾರೀ ಲಾರೆನ್ಸಿಸ್, ಮ್ಯಾಕ್ಸ್ ವೆಬೆರ್, ಡೈಗೊ ರಿವೆರ, ಮಾರೀ ವೊರೊಬೀಫ್, ಲೋಯಿಸ್ ಮಾರ್ಕೊಸಿಸ್, ಜಾನ್ನೆ ರಿಜ್-ರೂಸೊವ್, ರೋಗೆರ್ ಡೆ ಲಾ ಪ್ರೆಸ್‌ನಯೆ, ಹೆನ್ರಿ ಲೆ ಪವ್‌ಕೋನಿಯರ್, ಲೆಕ್ಸಾಂಡರ್ ಆರ್ಚಿಪೆಂಕೊ, ಪ್ರಾಂಟಿಸೆಕ್ ಕುಪ್ಕಾ, ಅಮೆಡೀ ಓಝೆನ್‌ಫಾಂಟ್, ಜೀನ್ ಮರ್ಚಾಂಡ್, ಲಿಯೊಪೋಲ್ಡ್ ಸರ್ವೇಜ್, ಪ್ಯಾಟ್ರಿಕ್ ಹೆನ್ರಿ ಬ್ರೂಸ್ ಮತ್ತು ಇತರರು. ಸೆಕ್ಷನ್ ಡಿಓರ್ ಆನ್ನುವುದು ಕೇವಲ ಘನಾಕೃತಿ ಕಲೆ ಮತ್ತು ಓರ್ಪಿಸಂ ಸಂಗಡದ ಅನೇಕ ಕಲಾವಿದರ ಮತ್ತೊಂದು ಹೆಸರು. ಪ್ಯೂರಿಸಂ ಅನ್ನುವುದು ಘನಾಕೃತಿ ಕಲೆಯ ಒಂದು ಕಲಾತ್ಮಕ ಉದಯ ಆಗಿದೆ, ಅದು ಮೊದಲನೆಯ ಪ್ರಪಂಚ ಯುದ್ಧದ ನಂತರ ಅಭಿವೃದ್ಧಿಯಾಗಿತ್ತು. ಪ್ರಮುಖ ಪ್ಯೂರಿಸಂ ತತ್ವ ಪ್ರತಿಪಾದಕರಲ್ಲಿ ಲೆ ಕರ್ಬುಸಿಯರ್, ಅಮೆದೀ ಓಝೆನ್‌ಫಾಂಟ್, ಮತ್ತು ಪೆರಾಂಡ್ ಲೆಜೆರ್ ಒಳಗೊಂಡಿದ್ದರು.

೧೯೧೩ರಲ್ಲಿ ನ್ಯೂ ಯಾರ್ಕ್ ನಗರದಲ್ಲಿನ ಪ್ರಸಿದ್ಧ ಆರ್ಮೊನಿ ಷೋನಲ್ಲಿ ಜಾಕ್ವೆಸ್ ವಿಲ್ಲೊನ್ ಏಳೂ ಪ್ರಮುಖ ಮತ್ತು ದೊಡ್ಡ ಡ್ರೈಪಾಯಿಂಟ್‌ಗಳನ್ನು ಪ್ರದರ್ಶಿಸಿದಾಗ, ಯುನೈಟೆಡ್ ಸ್ಟೇಟ್ಸ್ ಕ್ಯೂಬಿಸಂ ಮತ್ತು ಯುರೋಪಿನ ಆಧುನಿಕ ಕಲೆಯನ್ನು ಅಳವಡಿಸಿಕೊಂಡಿತು. ೧೯೨೦ರ ಮೊದಲು ಬ್ರಾಕ್ವೆ ಮತ್ತು ಪಿಕಾಸೊ ಅನೆಕ ವಿಭಿನ್ನ ಹಂತಗಳಲ್ಲಿ ತಮ್ಮನ್ನು ತೊಡಗಿಸಿಕೊಂಡಿದ್ದರು, ಮತ್ತು ಈ ಕೆಲಸಗಳಲ್ಲಿ ಕೆಲವನ್ನು ಆರ್ಮೊನಿ ಪ್ರದರ್ಶನದ ಮೊದಲೆ ನ್ಯೂ ಯಾರ್ಕ್ ನಗರದಲ್ಲಿನ ಆಲ್‌ಪ್ರೆಡ್ ಸ್ಟೈಗ್ಲಿಟ್‌ಝ್ನ "೨೯೧" ಗ್ಯಾಲರಿಯಲ್ಲಿ ಕಾಣಲಾಗಿತ್ತು. ಪಿಕಾಸೊ ಮತ್ತು ಬ್ರಾಕ್ವೆರ ಘನಾಕೃತಿ ಕಲೆ ಆರಂಭ ಯುಗದ ಮಹತ್ವಗಳನ್ನು ಅರೆತ ಸ್ಜೆಚ್ ಕಲಾವಿದರು, ಇದರ ಅಂಶಗಳನ್ನು ಹೊರಪಡೆದು ತಮ್ಮ ಸ್ವಂತ ಕೆಲಸಗಳಾದ ಎಲ್ಲಾ ರೀತಿಯ ಕಲಾತ್ಮಕ ಚಟುವಟಿಕೆಗಳಲ್ಲಿ-ಮುಖ್ಯವಾಗಿ ಚಿತ್ರಕಲೆ ಮತ್ತು ವಾಸ್ತುಕಲೆಯಲ್ಲಿ ಅಳವಡಿಕೊಳ್ಳುವ ಪ್ರಯತ್ನ ಮಾಡಿದರು. ಇದು ಬಹುಶಃ ಪ್ರಾಗ್ವೆಯಲ್ಲಿ ೧೯೧೦ರಿಂದ ೧೯೧೪ರ ವರೆಗೂ ಇದ್ದ ಕ್ರಿಯಾತ್ಮಕ ಘನಾಕೃತಿ ಕಲೆಯ ಸ್ಜೆಚ್ ತತ್ವ ಪ್ರತಿಪಾದಕರ ಒಂದು ಅವಂತ್-ಗ್ರೇಡ್ ಕಲಾ ಪ್ರಯತ್ನವಾದ, ಸ್ಜೆಚ್ ಘನಾಕೃತಿ ಕಲೆಯ ಅಭಿವೃದ್ಧಿಗೆ ಕಾರಣವಾಯಿತು.

                                     

2. ವಿಶ್ಲೇಷಣಾತ್ಮಕ ಘನಾಕೃತಿ ಕಲೆ

thumb|left|ಡಾನಿಯಲ್-ಹೆನ್ರಿ ಕಾನ್‌ವೈಲರ್ ರೇಖಾಚಿತ್ರ, 1910, ಚಿಕಾಗೊ ಕಲಾ ಸಂಸ್ಥೆ. ಪಿಕಾಸೊರಿಂದ ಮಾಡಲ್ಪಟ್ಟ ಅವರ ದೀರ್ಘಕಾಲ ಕಲಾ ಡೀಲರು ವ್ಯಾಪಾರಿಯ ವಿಶ್ಲೇಷನಾತ್ಮಕ ಘನಾಕೃತಿ ಕಲಾವಿದ ರೇಖಾಚಿತ್ರ. ಒಂದು ವೇಳೆ ಕಾನ್‌ವೈಲರ್ ವ್ಯಾಪಾರದ ತಿಳುವಳಿಕೆಯನ್ನು ಹೊಂದಿರದಿದ್ದರೆ ಮನ್ನ ಪರಿಸ್ಥಿತಿ ಏನಾಗುತ್ತಿತ್ತು? ಎಂದು ಪಿಕಾಸೊ ಕಾನ್‌ವೈಲರ್‌ನ್ನು ಕುರಿತು ಬರೆದರು ವಿಶ್ಲೇಷಣಾತ್ಮಕ ಘನಾಕೃತಿ ಕಲೆ ಅನ್ನುವುದು ಘನಾಕೃತಿ ಕಲೆಯ ಕಲಾತ್ಮಕ ಪ್ರಯತ್ನದ ಎರಡು ಪ್ರಮುಖ ವಿಭಾಗಗಳಲ್ಲಿ ಒಂದಾಗಿದೆ ಮತ್ತು ಇದನ್ನು ೧೯೦೮ ಮತ್ತು ೧೯೧೨ರ ಮಧ್ಯ ಕಾಲದಲ್ಲಿ ಅಭಿವೃದ್ದಿಮಾಡಲಾಯಿತು. ಸಿಂತಟಿಕ್ ಕೃತಕ ಘನಾಕೃತಿ ಕಲೆಯಿಂದ ವಿಭಿನ್ನಾವಾಗಿ, ವಿಶ್ಲೇಷಣಾತ್ಮಕ ಕ್ಯೂಬಿಸ್ಟರು ಸಹಜ ಆಕೃತಿಗಳ "ವಿಶ್ಲೇಷಣೆಯನ್ನು" ನಡೆಸಿದರು ಮತ್ತು ಆಕೃತಿಗಳನ್ನು ಎರಡು ಕ್ಷೇತ್ರಫಲಗಳ ಚಿತ್ರ ಸಮಗಳಲ್ಲಿ ಮೂಲ ಜ್ಯಾಮಿತಿಯ ಭಾಗಗಳ ರೂಪದಲ್ಲಿ ಕಡಿತಗೊಳಿಸಿದರು. ಬಣ್ಣವು, ಹೆಚ್ಚಾಗಿ ಬೂದಿಬಣ್ಣ, ನೀಲಿ ಮತ್ತು ಕಾವಿಬಣ್ಣಗಳನ್ನು ಒಳಗೊಂಡಿರುವ ಏಕವರ್ಣದ ವಿಧಾನವನ್ನು ಹೊರತುಪಡಿಸಿ, ಬಹುಮಟ್ಟಿಗೆ ಅಸ್ತಿತ್ವದಲ್ಲಿಲ್ಲದ್ದು. ಬಣ್ಣದ ಮೆಲಿನ ಪ್ರಾಮುಖ್ಯತೆಯ ಬದಲಿಗೆ, ವಿಶ್ಲೇಷಣಾತ್ಮಕ ಕ್ಯೂಬಿಸ್ಟರು, ನೈಸರ್ಗಿಕ ಪ್ರಪಂಚವನ್ನು ಪ್ರತಿಬಿಂಬಿಸಲು ಸಿಲಿಂಡರು, ಗೋಳಾಕೃತಿ ಮತ್ತು ಕೋನಗಳಂತಹ ಆಕಾರಗಳ ಮೆಲೆ ಹೆಚ್ಚು ಏಕಾಗ್ರತೆಯನ್ನು ಹೊಂದಿದ್ದರು. ಈ ಪ್ರಯತ್ನದ ಸಮಯದಲ್ಲಿ, ಪಿಕಾಸೊ ಮತ್ತು ಬ್ರಾಕ್ವೆರಿಂದ ಮಾಡಲ್ಪಟ್ಟ ಕೆಲಸಗಳು ಶೈಲಿಸಂಗ್ರಹದ ಹೋಲಿಕೆಗಳನ್ನು ಹೊಂದಿವೆ.

ಪ್ಯಾಬ್ಲೊ ಪಿಕಾಸೊ ಮತ್ತು ಜ್ಯೋರ್ಜೆಸ್ ಬ್ರಾಕ್ವೆ ಇಬ್ಬರು ಶೂನ್ಯಚಿತ್ತದ ಕಡೆಗೆ ಚಲಿಸಿದರು, ಚಿತ್ರಕಲೆಯ ಹೊರಗಿನ ವಾಸ್ತವಿಕತೆ ಮತ್ತು ರಚನೆಯ ಒಳಗೆ ಗೋಚರಿಸುವ ಭಾಷೆಯಮೇಲಿನ ಸಂಕೀರ್ಣವಾದ ಏಕಾಗ್ರತೆಯ ಚಿಂತನೆಗಳ ನಡುವೆ ಒತ್ತಡವನ್ನು ಉಂಟುಮಾಡಲು ಬೇಕಾಗುವಷ್ಟು ವಾಸ್ತವ ಪ್ರಪಂಚದ ಸಂಕೇತಗಳನ್ನು ಮಾತ್ರ ಬಿಟ್ಟರು ಮತ್ತು ಇವನ್ನು ಅವರ ಚಿತ್ರಕಲೆಗಳಾದ, ಪಿಕಾಸೊರಿಂದ ಮಾಡಲ್ಪಟ್ಟ ಮಾ ಜೊಲೀ ೧೯೧೧ ಮತ್ತು ಬ್ರಾಕ್ವೆರಿಂದ ಮಾಡಲ್ಪಟ್ಟ ದಿ ಪೋರ್ಚುಗೀಸ್ ೧೯೧೧ ಇವುಗಳಿಂದ ನಿದರ್ಶಿಸಿದರು.

ಫ್ಯಾರೀಸ್‌ನಲ್ಲಿ ೧೯೦೭ರಲ್ಲಿ ಪಾಲ್ ಸೆಝನ್ನೆರ ಕಲಾ ಕೆಲಸಗಳ ಸಂಗ್ರಹನಾಲಯದ ಪೂರ್ವಾನ್ವಯದ ಬೃಹತ್ ಪ್ರದರ್ಶನವನ್ನು ಏರ್ಪಡಿಸಲಾಯಿತು, ಇದು ಅವರ ಮರಣದ ಕೆಲವೇ ಸಮಯದ ನಂತರ ನಡೆಯಿತು. ಸೆಝನ್ನೆ ಒಂದು ಪ್ರಮುಖ ಚಿತ್ರಗಾರ ಮತ್ತು ಅವರ ಕಲ್ಪನೆಗಳು ವಿಶೆಷವಗಿ ಮಾರ್ಧನಿಸುವಂತವು ಮುಖ್ಯವಾಗಿ ಫ್ಯಾರೀಸ್‌ನಲ್ಲಿನ ಯುವ ಕಲಾವಿದರಿಗೆ ಇವು ಬಹು ಮುಖ್ಯವಾದವು ಎಂಬುದನ್ನು ಪ್ರತಿಪಾಲಿಸುವಲ್ಲಿ ಈ ಪ್ರದರ್ಶನವು ಅಪರಿಮಿತವಾಗಿ ಪರಿಣಾಮಕಾರಿಯಾಗಿದೆ. ಗಮನಿಸಿ ಮತ್ತು ನೋಡುವುದನ್ನು ಕಲಿಯಿರಿ ಮತ್ತು ನಿಸರ್ಗವು ಮೂಲ ಆಕಾರಗಳಾದ ಘನಾಕೃತಿಗಳು, ಗೋಳಾಕೃತಿಗಳು, ಸಿಲಿಂಡರುಗಳು, ಮತ್ತು ಕೋನುಗಳ ಜೋಡಣೆಯಿಂದಲೇ ಆಗಿರುವಂತೆ ಭಾವಿಸಿ ಎಂದು ಹೇಳಿದ್ದ, ಪಾಲ್ ಸೆಝನ್ನೆರನ್ನು ನೋಡಿಯೇ, ಪಿಕಾಸೊ ಮತ್ತು ಬ್ರಾಕ್ವೆ ಇಬ್ಬರು ಘನಾಕೃತಿ ಕಲೆ ಬಗ್ಗೆ ಪ್ರೇರಿತಗೊಂಡಿದ್ದರು. ಪಿಕಾಸೊ ಅತ್ಯಂತ ಪ್ರಮುಖ ವಿಶ್ಲೇಷಣಾತ್ಮಕ ಘನಾಕೃತಿ ಕಲಾವಿದ ಆಗಿದ್ದರು, ಆದರೆ ಘನಾಕೃತಿ ಕಲಾವಿದರ ನಿಘಂಟುವಿನ ಅಭಿವೃದ್ದಿಗೆ ಪಿಕಾಸೊ ಜೊತೆಯಲ್ಲಿ ಕೆಲಸ ಮಾಡಲು ಫೇವಿಸಂನ್ನು ತ್ಯಜಿಸಿದ ಬ್ರಾಕ್ವೆ ಸಹ ಪ್ರಮುಖರು.

                                     

3. ಸಿಂಥೆಟಿಕ್ ಕೃತಕ ಘನಾಕೃತಿ ಕಲೆ

ಸಿಂಥೆಟಿಕ್ ಕೃತಕ ಘನಾಕೃತಿ ಕಲೆ ಅನ್ನುವುದು ಘನಾಕೃತಿ ಕಲೆಯಲ್ಲೇ ಆದ ಎರಡನೆಯ ಮುಖ್ಯ ಪ್ರಯತ್ನವಾಗಿದ್ದು, ಇದನ್ನು ಪಿಕಾಸೊ, ಬ್ರಾಕ್ವೆ, ಜಾನ್ ಗ್ರಿಸ್ ಮತ್ತು ಇತರರಿಂದ ೧೯೧೨ ಮತ್ತು ೧೯೧೯ರ ನಡುವಿನ ಕಾಲದಲ್ಲಿ ಅಭಿವೃದ್ದಿಗೊಳಿಸಲಾಯಿತು. ವಿಭಿನ್ನ ರಚನಾ ಚಿತ್ರಣಗಳು, ಮೇಲ್ಮೈಗಳು, ತೇಪೆಚಿತ್ರದ ಅಂಶಗಳು, ಪೇಪಿಯರ್‌ ಕೊಲ್ಲೆ ಮತ್ತು ವಿಲೀನಗೊಂಡ ವಿಷಯದ ಒಂದು ಬೃಹತ್‌‌ ವೈವಿಧ್ಯತೆಯ ಪರಿಚಯ ಇವು ಕೃತಕ ಘನಾಕೃತಿ ಕಲೆಯ ವಿಶಿಷ್ಟ ಲಕ್ಷಣಗಳಾಗಿವೆ. ಇದು ಶ್ರೇಷ್ಟ ಕಲಾ ಕೆಲಸದ ಮುಖ್ಯ ಅಂಶವಾಗಿ ಪ್ರವೇಶಪಡಿಸಿದ ಕಾಲೇಜು ಮೂಲವಸ್ತುಗಳ ಆರಂಭವಾಗಿತ್ತು.

ಪ್ಯಾಬ್ಲೊ ಪಿಕಾಸೊ’ರ "ಸ್ಟಿಲ್ ಲೈಫ್ ವಿತ್ ಚೈರ್-ಕ್ಯಾನಿಂಗ್‌" ೧೯೧೧–೧೯೧೨ ಇದನ್ನು ಹೊಸಾ ಶೈಲಿಯ ಮೊದಲ ಕೆಲಸವೆಂದು ಪರಿಗಣಿಸಲಾಯಿತು, ಇದು ಪಠ್ಯದೊಂದಿಗೆ, ಚೈರ್-ಕ್ಯಾನಿಂಗ್‌ನ್ನು ಅಂಡಾಕೃತಿಯ ಕ್ಯಾನ್‌ವಾಸುಮೇಲೆ ಅಂಟಿಸಿದ ರೀತಿಯಲ್ಲಿ ಕಾಣುವಂತೆ ಮುದ್ರಿಸಿದ ಎಣ್ಣೆ ಬಟ್ಟೆಯನ್ನು ಒಳಗೊಂಡಿರುತ್ತದೆ; ಮತ್ತು ಪೂರ್ಣ ಚಿತ್ರವು ಹಗ್ಗದ ಚೌಕಟ್ಟಿನ ರಚನೆಯನ್ನು ಹೊಂದಿರುತ್ತದೆ. ಮೇಲುಗಡೆಯ ಎಡಗಡೆಯ ಅಕ್ಷರಗಳು "ಜೆಒಯು" ಆಗಿದ್ದು, ಇವು ಬಹುತೇಕ ಘನಾಕೃತಿ ಕಲಾವಿದರ ಚಿತ್ರಕಲೆಗಳಲ್ಲಿ ಕಾಣಿಸಿಕೊಳ್ಳುತ್ತವೆ ಮತ್ತು ಇವು ವಾರ್ತಾ ಪತ್ರಿಕೆಯ ಹೆಸರಾದ "ಲೆ ಜರ್ನಲ್" ನ್ನು ಸೂಚಿಸುತ್ತವೆ. ವಾರ್ತಾಪತ್ರಿಕೆಯ ಕ್ಲಿಪ್ಪಿಂಗ್‌ಗಳು ಸಾಮಾನ್ಯವಾಗಿ ಸೇರಿಸಿಕೊಳ್ಳುವಿಕೆಗಳಾಗಿದ್ದವು, ವಾರ್ತಾಪತ್ರಿಕೆಯ ಭೌತಿಕ ತುಂಡುಗಳು, ಹಾಳೆ ಸಂಗೀತ, ಮತ್ತು ಆ ತರಹದ ವಸ್ತುಗಳನ್ನು ಸಹ ಕಾಲೆಜುಗಳಲ್ಲಿ ಸೇರ್ಪಡೆಯಾಗಿದ್ದವು. ಅದೇ ಸಮಯದಲ್ಲಿ ಜೆಒಯು ಫ್ರೆಂಚ್ ಪದಗಳಾದ ಜೊಯ್ ಆಟ ಅಥವಾ ಜೊಯರ್ ಆಡಲುಗಳ ಮೇಲಿನ ಎರಡರ್ಥದ ನುಡಿ ಪದ ಸಹ ಆಗಬಹುದಾಗಿದೆ. ಪಿಕಾಸೊ ಮತ್ತು ಬ್ರಾಕ್ವೆ ಪರರ್ಸ್ಪರ ಸ್ನೆಹಭಾವದ ಪೈಪೋಟಿಯನ್ನು ಹೊಂದಿದ್ದರು ಮತ್ತು ಅವರ ಚಿತ್ರಕಲಾ ಕೆಲಸಗಳಲ್ಲಿ ಒಳಗೊಂಡಿದ್ದ ಅಕ್ಷರಗಳು ಅವರ ಈ ಪೈಪೋಟಿಯ ಆಟ ವಿಸ್ತಾರವಾಗಲು ಕಾರಣವಾಗಿರಬಹುದಾಗಿದೆ.

ಹೀಗಿರುವಾಗ ವಿಶ್ಲೇಷಣಾತ್ಮಕ ಘನಾಕೃತಿ ಕಲೆಯು ವಿಷಯಗಳ ವಿಶ್ಲೇಶಣೆಯಾಗಿದೆ ಸಮತಲಗಳಾಗಿ ವಿಭಜಿಸುವುದು, ಕೃತಕ ಘಾನಾಕೃತಿ ಕಲೆಯು ಹೆಚ್ಚಾಗಿ ಅನೆಕ ವಸ್ತುಗಳನ್ನು ಒಂದಾಗಿ ಸೇರಿಸುತ್ತದೆ. ವಿಶ್ಲೇಷಣಾತ್ಮಕ ಘನಾಕೃತಿ ಕಲೆಗಿಂತಲೂ ಕಡಿಮೆ ಶುದ್ಧವಾಗಿದೆ, ಕೃತಕ ಘಾನಾಕೃತಿ ಕಲೆಯು ಕೆಲವೇ ಸಮಕ್ಷೇತ್ರದ ವರ್ಗಾವಣೆಗಳನ್ನು ಅಥವಾ ಸ್ಕಿಮ್ಯಾಟಿಸಂ ಹೊಂದಿರುತ್ತವೆ, ಮತ್ತು ಕಡಿಮೆ ಬಣ್ಣದ ಚಾಯೆಗಳನ್ನು ಹೊಂದಿದ್ದು, ಚಪ್ಪಟೆಯ ಸ್ಥಳದ ರಚನೆಯನ್ನು ಮಾಡುತ್ತದೆ.



                                     

4. ಘನಾಕೃತಿ ಕಲಾವಿದನ ಶಿಲ್ಪಕಲೆ

ಪ್ರಮುಖ ಲೇಖನ ಕ್ಯೂಬಿಸ್ಟ್ ಸ್ಕಲ್ಪ್‌ಚರ್ ನೋಡಿ

ಬಹುತೇಕ ಅದೇ ಕಲಾವಿದರಿಂದ ಘನಾಕೃತಿ ಕಲಾವಿದರ ಚಿತ್ರಕಲೆಯ ಜೊತೆಯಲ್ಲಿಯೇ ಘನಾಕೃತಿ ಕಲಾವಿದರ ಶಿಲ್ಪಕಲೆ ಸಹ ಅಭಿವೃದ್ಧಿಯಾಗಿದೆ. ಘನಾಕೃತಿ ಕಲಾವಿದರ ಮೊದಲನೆಯ ಶಿಲ್ಪಕಲೆಯು ಪಿಕಾಸೊ’ರ ೧೯೦೯ರ ಕಂಚಿನಲ್ಲಿ ಮಾಡಿದ ಮಹಿಳೆಯ ಶಿರಸ್ಸು ಆದರೂ ಆಗಿರಬಹುದು ಅಥವಾ ೧೯೧೨ರಲ್ಲಿ ಪ್ರಾಗ್ವೆಯಲ್ಲಿ ತೋರಿಸಿದ ಒಟ್ಟೊ ಗುಟ್‌ಪ್ರೆಂಡ್ರ ಯಾಂಕ್ಸೈಟಿ ಸ್ಜೆಚ್‌ನಲ್ಲಿನ ಯುಜ್‌ಕೋಸ್ಟ್ ಆಗಿರಬಹುದು ಎಂದು ವಿಭಿನ್ನ ಮೂಲಗಳು ಸೂಚಿಸುತ್ತಿವೆ.

ಬಹುತೇಕ ಇತರ ಯುರೋಪಿನ ಶಿಲ್ಪಕಲಾವಿದರು ವೇಗವಾಗಿ ಮುಂದಾಳತ್ವವನ್ನು ಗಳಿಸಿದ್ದಾರೆ: ಫ್ರೆಂಚ್ ರೈಮಂಡ್ ಡಚಾಂಪ್-ವಿಲ್ಲೊನ್, ಸೈನಿಕ ವೃತ್ತಿಯಲ್ಲಿನ ಅವರ ಮರಣದಿಂದ ಅವರ ಶಿಲ್ಪಕಲಾ ವೃತ್ತಿಯು ಬಹಳ ಚಿಕ್ಕದಾಗಿಯೆ ಮುಗಿಯಿತು, ಯುಕ್ರೈನಿಯದ ಅಲೆಕ್ಸಾಂಡರ್ ಆರ್ಚಿಪೆಂಕೊ, ಅವರ ೧೯೧೨ರ ವಾಕಿಂಗ್ ವುಮೆನ್ ನದೆದಾಡುವ ಮಹಿಳೆ ಇದು ರೂಪಿಲ್ಲದ ನಿರರ್ಥಕ ಭಾವನೆಯ ಶಿಲ್ಪಕಲೆಯನ್ನು ಪರಿಚಿಯಿಸುವಲ್ಲಿ ಮೊದಲನೆಯದಾಗಿದೆ, ಮತ್ತು ಲಿಥಾನಿಯಾದ ಜಾಕ್ವೆಸ್ ಲಿಪ್ಚಿಟ್ಜ್ ಇವರನ್ನು ಮೊದಲ ಘನಾಕೃತಿ ಶಿಲ್ಪಕಲಾವಿದ ಎಂದು ಗುರುತಿಸಲಾಯಿತು.

ಘನಾಕೃತಿ ಕಲಾವಿದರ ಚಿತ್ರಕಲೆಯಲ್ಲಿ ಇರುವ ಮಾದರಿಯಲ್ಲೇ, ಪಾಲ್ ಸೆಝನ್ನೆ’ರ ಬಣ್ಣಹಚ್ಚಿದ ವಸ್ತುಗಳನ್ನು ವಿಭಾಗಗಳ ಸಮತಲಗಳಾಗಿ ಮತ್ತು ಜ್ಯಾಮಿತಿಯ ಘನವಸ್ತುಗಳಾಗಿ ವಿಭಜಿಸುವಲ್ಲಿಯೂ ಈ ಶೈಲಿಯು ಸುಸ್ಥಾಪಿತವಾಗಿದೆ. ಮತ್ತು ಚಿತ್ರಕಲೆಯಲ್ಲಿನ ಮಾದರಿಯಲ್ಲೇ, ಇದು ಸುಮಾರು ೧೯೨೫ರ ವೇಳೆಗೆ ಇದರ ದಿಕ್ಕನ್ನು ಹೊಂದಿತ್ತು, ಮತ್ತು ವಿಸ್ತರಿಸಿದ ಪ್ರಾಭಲ್ಯವಾಗಿ ಮಾರ್ಪಟ್ಟು ಕನ್ಸ್ಟ್ರಕ್ಟಿವಿಸಂ ಮತ್ತು ಫ್ಯೂಚರಿಸಂಗೆ ಮೂಲಭೂತವಾಗಿ ನೆರವಾಗಿದೆ.

                                     

5. ಇತರ ಕ್ಷೇತ್ರಗಳಲ್ಲಿ ಘನಾಕೃತಿ ಕಲೆ

ಗೆರ್‌ಟ್ರೂಡ್ ಸ್ಟೈನ್‌ರ ಲಿಖಿತ ಕೆಲಸಗಳು ಪುನರುಕ್ತಿ ಮತ್ತು ಪುನರಾವರ್ತನೆಯ ಪದಸಮುಚ್ಚಯಗಳನ್ನು ವಾಕ್ಯವೃಂದಗಳಲ್ಲಿ ಮತ್ತು ಪೂರ್ಣ ಅಧ್ಯಾಯಗಳಲ್ಲಿ ಕಟ್ಟಡದ ಬ್ಲಾಕ್‌ಗಳಂತೆ ತೊಡಗಿಸುತ್ತವೆ. ದಿ ಮೇಕಿಂಗ್ಸ್ ಆಫ್ ಅಮೆರಿಕಾನ್ಸ್ ೧೯೦೬–೦೮ ಅನ್ನುವ ನವಲನ್ನು ಸೇರಿ, ಸ್ಟೈನ್ರ ಬಹುತೇಕ ಪ್ರಮುಖ ಕೆಲಸಗಳು ಈ ಪ್ರಕ್ರಿಯೆಯನ್ನು ಉಪಯೋಗಿಸುತ್ತವೆ, ಗೆರ್‌ಟ್ರೂಡ್ ಸ್ಟೈನ್ ಮತ್ತು ಅವರ ಸಹೋದರ ಲಿಯೊ ಸಹ ಘನಾಕೃತಿ ಕಲೆಯ ಬಹು ಮುಖ್ಯ ಪ್ರಭಾವಿಗಳಲ್ಲಿ ಸೇರಿದ್ದಾರೆ. ಪರ್ಯಾಯವಾಗಿ ಸ್ಟೈನ್’ರ ಬರಹಗಳು ಪಿಕಾಸೊರ ಪ್ರಾಭಲ್ಯವನ್ನು ಹೊಂದಿದ್ದವು.

ಅಮೆರಿಕಾದ ಕಾದಂಬರಿ ಕ್ಷೇತ್ರದಲ್ಲಿನ, ವಿಲ್ಲಿಯಮ್ ಪಾಕ್ನರ್ರ ೧೯೩೦ರ ಕಾದಂಬರಿ ಯಾಸ್ ಐ ಲೇ ಡೈಯಿಂಗ್ ನ್ನು ಘನಾಕೃತಿ ಕಲಾ ಪದ್ಧತಿಯೊಂದಿಗಿನ ಹೊಂದಾಣಿಕೆಯಾಗಿ ಓದಬಹುದಾಗಿದೆ. ಕಾದಂಬರಿಯು ೫೯ ವ್ಯಕ್ತಿತ್ವಗಳ ಭಿನ್ನವಾದ ಅನುಭವಗಳ ವೃತ್ತಾಂತದ ವೈಶಿಷ್ಟ್ಯತೆಯನ್ನು ಹೊಂದಿದ್ದು, ಇವೆಲ್ಲವನ್ನು ಒಟ್ಟುಗೂಡಿಸಿ, ಮಾಡಿದ ಕೊಹೆಜಿವ್ ಅಂಟುಸ್ವಭಾವದ ಆಕೃತಿಯಂತಿದೆ.

ಸಾಮಾನ್ಯವಾಗಿ ಘಾನಾಕೃತಿ ಕಲೆಯೊಂದಿಗಿದ್ದ ಕವಿಗಳೆಂದರೆ, ಗ್ವಿಲ್ಯುಮ್ ಪೊಲಿನೈರೆ, ಬ್ಲೈಸೆ ಸೆಂಡ್ರಾರ್ಸ್, ಜೀನ್ ಕೋಕ್‌ಟ್ಯೂ, ಮ್ಯಾಕ್ಸ್ ಜಾಕಬ್, ಆಂಡ್ರೆ ಸಲ್ಮಾನ್ ಮತ್ತು ಪೀರ್ ರೆವೆರ್ಡಿ. ಅಮೆರಿಕಾದ ಕವಿ ಕೆನ್ನೆಥ್ ರೆಕ್ಸ್‌ರೋಥ್ ವಿವರಿಸಿದ ಹಾಗೆ, ಕವನದಲ್ಲಿ ಘನಾಕೃತಿ ಕಲೆಯು "ಪ್ರಜ್ಞಾಪೂರ್ವಕ, ಪೂರ್ವನಿಯೋಜಿತ ಅಗಲಿಸುವಿಕೆಯಾಗಿದೆ ಮತ್ತು ಹೊಸಾ ಕಲಾವಿದರ ಪ್ರವೇಶದಲ್ಲಿನ ಮೂಲವಸ್ತುಗಳ ಮರುಕೂಡಿಸುವಿಕೆಯು, ಇದರ ಜಾಗರೂಕತೆಯ ವಾಸ್ತುಕಲೆಯಿಂದ ಸ್ವಯಂತೃಪ್ತರನ್ನಾಗಿ ಮಾಡಿದೆ. ಇದು ಸುರ್ರಿಯಲಿಸ್ಟ್ಸ್ ಆಧುನಿಕ ಸಾಹಿತಿಗಳು ಮತ್ತು ಕಲಾವಿದರ ಉಚಿತ ಸಂಘದಿಂದ ಮತ್ತು ಪರಿವೆಯಿಲ್ಲದ ಉಚ್ಚಾರಗಳ ಸಂಯೋಜಿನೆಯಿಂದ ಮತ್ತು ದತ್ತಾಂಶದ ರಾಜಕೀಯ ನಾಸ್ತಿತ್ವದಿಂದ ಸ್ವಲ್ಪ ಮಟ್ಟಿಗೆ ವಿಭಿನ್ನವಾಗಿದೆ". ಅದಾಗ್ಯೂ, ಘನಾಕೃತಿ ಕಲೆಯ ಕವಿಗಳು ಘನಾಕೃತಿ ಕಲೆ ಮತ್ತು ದತ್ತಾಂಶದ ನಂತರದ ಪ್ರಯತ್ನಗಳ ಮೇಲೆ ಪ್ರಾಭಲ್ಯವನ್ನು ಹೊಂದಿದ್ದರು ಮತ್ತು ಸರ್ರಿಯಾಲಿಝಂ ೨೦ನೆಯ ಶತಮಾನದ ಅಭಿವ್ಯಕ್ತ ಆಂದೋಲನ ಗಾಡಚಿಂತನೆಯಾಗಿತ್ತು; ಸರ್ರಿಯಾಲಿಝಂನ ಸಂಸ್ಥಾಪಕ ಸದಸ್ಯರಾದ, ಲೋವಿಸ್ ರಗಾನ್ ಹೆಳಿದ್ದೇನೆಂದರೆ, ಬ್ರೆಟೊನ್, ಸವ್‌ಪಾಲ್ಟ್, ಎಲ್ಯಾರ್ಡ್ ಮತ್ತು ತಮಗೆ, ರೆವೆರ್ಡಿ "ತಮ್ಮ ಹಿರಿಯ, ಆದರ್ಶ ಕವಿಯಾಗಿದ್ದರು". ಅವರನ್ನು ಘನಾಕೃತಿ ಕಲೆಯ ಚಿತ್ರಗಾರರು ಎಂದು ಜ್ಞಾಪಿಸಿಕೊಳ್ಳದಿದ್ದರೂ, ಈ ಕವಿಗಳು ಪ್ರೇರಣೆ ನೀಡುವುದನ್ನು ಮತ್ತು ಸ್ಪೂರ್ತಿಕೊಡುವುದನ್ನು ಮುಂದುವರೆಸಿದರು; ಅಮೆರಿಕಾದ ಕವಿಗಳು ಜಾಹ್ನ್ ಆಶ್‌ಬೆರಿ ಮತ್ತು ರಾನ್ ಪಾಡ್‌ಗೆಟ್ ಇತ್ತೀಚೆಗೆ ರೆವೆರ್ಡಿರ ಕೆಲಸಗಳ ಭಾಷಾಂತರಗನ್ನು ರಚಿಸಿದರು.

ವಲ್ಲಾಸ್ ಸ್ಟೆವೆನ್‌ರ "ಥರ್ಟೀನ್ ವೇಸ್ ಆಫ್ ಲುಕಿಂಗ್ ಅಟ್ ಎ ಬ್ಲ್ಯಾಕ್‌ಬರ್ಡ್", ಘಾನಕೃತಿ ಕಲೆಯ ಬಹು ನೋಟಗಳನ್ನು ಯಾವರೀತಿ ಸಾಹಿತ್ಯಕ್ಕೆ ಪರಿವರ್ತಿಸಬಹುದು ಎಂಬುದನ್ನು ಪ್ರದರ್ಶಿಸುತ್ತದೆ ಎಂದು ಸಹ ಹೇಳಲಾಗಿದೆ.

ಲೇಖಕ ಎಡ್ವರ್ಡ್ ವರೆಸೆರವರು ಘನಾಕೃತಿ ಕಲಾವಿದರ ಬರವಣಿಗೆ ಮತ್ತು ಕಲೆಯಿಂದ ಅತ್ಯಧಿಕವಾಗಿ ಪ್ರಭಾವಿತರಾಗಿದ್ದರು.

                                     

6. ಇಂದಿನ ಘನಾಕೃತಿ ಕಲೆ

ಕಲಾ ಇತಿಹಾಸದಲ್ಲಿ ಚಾರಿತ್ರಿಕ ದಾಖಲೆಯಾಗಿ ಕಲಾ ಆಂದೋಲನವನ್ನು ಪರಿಮಿತಿಗೊಳಿಸುವುದರಿಂದ ಬಹಳ ದೂರಚಲಿಸಿ, ಘನಾಕೃತಿ ಕಲೆ ಮತ್ತು ಇದರ ಪೂರ್ವಾರ್ಜಿತವು ಅನೇಕ ಸಮಕಾಲೀನ ಕಲಾವಿದರ ಕೆಲಸಗಳನ್ನು ಕುರಿತು ತಿಳಿಸುವುದನ್ನು ಮುಂದುವರೆಸಿದವು. ಘನಾಕೃತಿ ಕಲಾವಿದರ ಕಲ್ಪನೆಯನ್ನು ಕ್ರಮಬದ್ಧವಾಗಿ ವಾಣಿಜ್ಯಾಕರಣಕ್ಕಾಗಿ ಉಪಯೋಗಿಸುವುದಲ್ಲದೆ ದೊಡ್ಡ ಸಂಖ್ಯೆಯಲ್ಲಿ ಸಮಕಾಲೀನ ಕಲಾವಿದರು ಇದನ್ನು ಶೈಲಿಶಾಸ್ತ್ರಕ್ಕನುಗುಣವಾಗಿ ಮತ್ತು ಬಹುಶಃ ಪ್ರಮುಖವಾಗಿ ಮತ್ತು ಸೈದ್ಧಾಂತಿಕವಾಗಿ ರಚಿಸುವುದನ್ನು ಮುಂದುವರೆಸಿದರು. ನಂತರದ್ದು ಕಲಾವಿದರಿಗೆ ಘನಾಕೃತಿ ಕಲೆಯು ಹೊಂದಿದ್ದ ಬಹುಕಾಲ ಸಹಿಸಿಕೊಳ್ಳುವ ಮೋಡಿಯ ಕಾರಣವನ್ನು ಹೊಂದಿತ್ತು. ಚಿತ್ರಕಲೆಯ ಅತ್ಯಂತ ಪ್ರಮುಖ ಪ್ರದರ್ಶನಾತ್ಮಕ ಶಾಲೆಯಾಗಿ, ಹೆಚ್ಚುವರಿಯಾಗಿ ಮಾಡಬಹುದಾದ ಆಕಾರ ರೂಪಿಸುವ ಪದ್ಧತಿಯ ಛಾಯಾಚಿತ್ರದ ಪ್ರಾಮುಖ್ಯತೆಯನ್ನು ಹೆಚ್ಚಿಸಿದ ಹಿಡಿತದೊಂದಿಗೆ, ಘನಾಕೃತಿ ಕಲೆಯು ಯಾಂತ್ರಿಕವಾಗಿ ಛಾಯಾಚಿತ್ರಿಸುವುದರಿಂದ ದೂರದಲ್ಲಿ ಪ್ರತಿಮಾಸೃಷ್ಟಿಯ, ಮತ್ತು ಸಂಪೂರ್ಣವಾಗಿ ನಿಶ್ಚಲವಾಗಿರುವ ನೋಡುಗರರಿಂದ ಸಾಂಪ್ರದಾಯಿಕವಾದ ಒಂದೇ ಕೋನದಲ್ಲಿ ನೂಡುವಿಕೆಯಿಂದ ಗ್ರಹಿಸಿದ್ದಕ್ಕಿಂತಲೂ ಹೆಚ್ಚಾಗಿ ಬಹಳ ವಿಭಿನ್ನವಾಗಿ ಪ್ರದರ್ಶಿಸುವ ಪ್ರಯತ್ನವನ್ನು ಮಾಡಿದೆ. ೨೦ನೆಯ ಶತಮಾನದ ಆರಂಭದಲ್ಲಿ ಘನಾಕೃತಿ ಕಲೆ ಮೊದಲ ಭಾರಿಗೆ ಕಾಣಿಸಿಕೊಂಡ ಸಮಯದಲ್ಲಿ, ಬಹುತೇಕ ನಿರೂಪಣಾ ಕಲಾವಿದರಿಗೆ, ಉದ್ಭವಿಸಿದ ಪ್ರಶ್ನೆಗಳು ಮತ್ತು ಕಲ್ಪನೆಗಳು ಪ್ರಸ್ತುತ ಇರುವವನ್ನು ಮೊದಲ ಬಾರಿಗೆ ಪ್ರಸ್ತಾಪಿಸಿದ ಸಮಯದಲ್ಲಿ ಇದ್ದಂತಹವಾಗಿದ್ದವು.



                                     

7. ಹೆಚ್ಚಿನ ಓದಿಗಾಗಿ

  • ಆಲ್‌ಫ್ರೆಡ್ ಹೆಚ್. ಬಾರ್, ಜೂನಿಯರ್., ಕ್ಯೂಬಿಸಂ ಮತ್ತು ಅಬ್‌ಸ್ಟ್ರಾಕ್ಟ್ ಸಂಕ್ಷಿಪ್ತ ಕಲೆ, ನ್ಯೂ ಯಾರ್ಕ್: ಆಧುನಿಕ ಕಲೆಯ ಸಂಗ್ರಹಾಲಯ, ೧೯೩೬.
  • ಜಾನ್ ಗೋಲ್ಡಿಂಗ್, ಕ್ಯೂಬಿಸಂ: ಇತಿಹಾಸ ಮತ್ತು ವಿಶ್ಲೇಷಣೆ, ೧೯೦೭-೧೯೧೪, ನ್ಯೂ ಯಾರ್ಕ್:ವಿಟ್ಟೆನ್‌ಬೋರ್ನ್, ೧೯೫೯.
  • John Cauman 2001. Inheriting Cubism: The Impact of Cubism on American Art, 1909-1936. New York: Hollis Taggart Galleries. ISBN 0-9705723-4-4.
  • ರಿಚರ್ಡ್ಸನ್, ಜಾನ್. ಪಿಕಾಸೊ ಜೀವನ, ಕ್ಯೂಬಿಸ್ಟ್ ರೆಬೆಲ್ ೧೯೦೭-೧೯೧೬. ನ್ಯೂ ಯಾರ್ಕ್: ಆಫ್ರೆಡ್ ಎ. ನೋಫ್, ೧೯೯೧. ಐಎಸ್‌ಬಿಎನ್ ೯೭೮-೦-೩೦೭-೨೬೬೬೫-೧
  • Cooper, Douglas 1970. The Cubist Epoch. London: Phaidon in association with the Los Angeles County Museum of Art & the Metropolitan Museum of Art. ISBN 0875870414.
                                     

8. ಬಾಹ್ಯ ಕೊಂಡಿಗಳು

  • ನೇರ ಪಿಕಾಸೊ ಯೋಜನೆ
  • ದಿ ಸ್ಜೆಚ್ ಕ್ಯೂಬಿಸಂ ಫೌಂಡೇಶನ್ English
  • ಪಿಕಾಸೊ ಕ್ಯೂಬಿಸ್ಟ್‌ನ ನಿಶ್ಚಲ ಜೀವನದ ವಿಸಂಕೇತಿಸುವ ಚಲನಚಿತ್ರ
  • ಮುಂಡೊಆರ್ಟದಲ್ಲಿನ ಕ್ಯೂಬಿಸ್ಟ್ ರಪ್ಚರ್ ಕಲಾತ್ಮಕ ವ್ಯಾಕ್ಯಾನಗಳು
  • REDIRECT Template:Western art movements
Free and no ads
no need to download or install

Pino - logical board game which is based on tactics and strategy. In general this is a remix of chess, checkers and corners. The game develops imagination, concentration, teaches how to solve tasks, plan their own actions and of course to think logically. It does not matter how much pieces you have, the main thing is how they are placement!

online intellectual game →